يا بحر
يا بحر يا اللي تحب الزيادة
أنا عايزة أعوم فيك كمان وكمان
مش عايزة ازهق م الاستزادة
من كنوزك طول الزمان
أنا عايزاك أنت تبقى وطني
اللي معايا في كل مكان
انا عايزاك أنت تبقى واحتي
تبقى راحتي في كل أوان
يا بحر يا اللى تحب الزيادة
أنا عايزة أعوم فيك كمان وكمان
يا بحر يا اللي انت الصديق
ورفيق دربي وبردة الطريق
انا سابحة فيك ومعاك وفى قلبك
مهما اشتد بي الضيق
لما الشمس تغيم نوبة
والريح هتعلى لنا الموجة
نهرب يا بحر الى الاعماق
لحد ما تعدى الهوجة
باسبح فيك يا بحر بقوة
مرة تقل ومرة تزيد
ومهما هاتعب بردة هاكمل
وباقول تانى ولسه حأعيد
مش عايزة أزهق م الاستزادة
يا بحر يا اللى انت صديقي
من موجك خدت الزوادة
يا رفيق دربي وبردو طريقي
1 comment:
حلوة أوى يا نسمة
أنا مليش فى الشعر أوى وماليش أكيد إنى أنقض فيه
بس رأيى كقارئ عادى
إن كلمة (وبردو) فى البيت
يا رفيق دربي وبردو طريقي
مش مناسبة أوى ولا إيه ؟
Post a Comment