وبما انى دخلت البلوج مش حطلع منه بالساهل ..المرة دى بقى زجل لسة كاتباة من مدة قصيرة لمؤتمر التدخين اللى كان عاملة قسم صحة العامة وطب المجتمع ..كاتباه تحت الطلب
جت واحدة صاحبتى تقولى نسمة تعرفى تكتبى حاجة عن التدخين عشان محتاجين قصيدة تتقال فى المؤتمر ..قلتلها ومالة اكتب ..طبعا كنت بهزر وفى دماغى حاسة انه مستحيل اكتب حاجة حد قايلى عليها لانى مش بزرار ..اضغط علية يقوم الكلام مكتوب..سبتها وانا بصراحة معنديش نية افكر حتى فى الموضوع
بليل كلمتنى نفس البنت وقالتلى ها عملتى ايه فى اللى قلتلك عليه
قلتلها انتى بتتكلمى بجد ولا ايه
وكلمة من هنا على كلمة من هناك قلتلها طب سيبينى شويه فى فكرة فى دماغى
ربع ساعة وكلمتها ووريتها اللى كتبتة (وكان نص القصيدة تقريبا) مكانتش مصدقة نفسها ..نسمة انتى محصلتيش..انتى عملتى انجاز ..ايه السرعة دى
البنت كانت مبهورة ..على ايه بصراحة مش عارفة ..الزجل يعنى مش اللى هو قوى يعنى ..بس هة تقريبا بردة مكنتش مصدقة انى حاخد الموضوع بجدية
نص القصيدة التانى كتبتة تانى يوم فى محاضرة الكوميونتى
وطلعت القصيدة للنور واتقالت فى المؤتمر وعجبت ناس
شكرا لزميلتى هالة اللى ادتنى الفكرة وشجعتنى اكتبها
وشكرا لزميلتى نجلاء اللى القتها فى المؤتمر
· حزر فزر
بيضا وطويلة بتتحرق
وتخلي جيبك يتسرق
وتشوف فلوسك قدام عينيك
دخان...تحزن عليها تتفلق
بتجيب لصدرك كذا ذبحة
وفى الشغل مانعينها ب لايحة
ومش بعيد تجيلك قرحة
من شربها وده يبقى قليل
تسهر تكح طول الليل
اشى م المرض واشي لغرض
تبعد حرامى هيسرقك
او تزعج الجار الرذيل
يعني الغرض سامي ونبيل
وتعيشك مرضان وهزيل
م الزفت والنيكوتين فيها
ويدخلوا على طول يا جميل
وفي الصدر تعمل بلاويها
اشي التهاب رئوي واصيل
وامراض تخاف من اساميها
ده كله غير صوت الشخاليل
قال المرض فيها لاخفيها
دي فزورتنا سهلة بسيطة
والحل على ايها حيطة
مرسومة اللي ما تتسمى
في دايرة حمرا بشريطة
بيضا وطويلة وجبارة
الحل ..سموها سجارة
معروفة اوي ..زفت ونيكوتين
مش عايزة فهم ولا شطارة
لو كان في راسك حبة عقل
مش بس م الاغراب غاوي نقل
والقلب من ربنا فيه خوف
وعنيك بصيرة وقادرة تشوف
هتشوف حياتك منهارة
ماهي اصلها....بيضا وطويلة وجبارة
بلد الخواجة يا بلدينا
تصنع سمومها وتدينا
يحمو ولادهم من ايدهم
وتضر ولادنا بايدينا
مضحوك علينا يا جماعة
لو بس هنفكر ساعة
مين اللي يقبض تمن الموت
دي لعبة ضخمة وخداعة
بتضر نفسك وعيالك
والمال في ايدك مش مالك
وتضرنا احنا كمان وياك
ما احنا اللي نهتم لحالك
اشي فحوصات ودوا وعلاج
م اليسر تتحول محتاج
ومين اللي هيشيلك يا خفيف
غيرنا؟؟ ومش قصدنا ازعاج
العمر واحد اينعم
ليه بس هتعيشه ف الم؟
ولا تعيش مبسوط وصحيح
..............................
لو يعني صممت على الحال
ابقى افتكر كلمة حكيمة
متقولش اصل محدش قال
كلمة عليها كدة القيمة
وابقى افتكر ولاد الحلال
لو اخرتك حاجة اليمة
بيضا وطويلة وجبارة
في الاصل سموها سجارة
لو بس عنكك حبة عقل
هتشوف حياتك منهارة
بيضا وطويلة بتتحرق
وتخلي جيبك يتسرق
وتشوف فلوسك قدام عينيك
دخان...تحزن عليها تتفلق
بتجيب لصدرك كذا ذبحة
وفى الشغل مانعينها ب لايحة
ومش بعيد تجيلك قرحة
من شربها وده يبقى قليل
تسهر تكح طول الليل
اشى م المرض واشي لغرض
تبعد حرامى هيسرقك
او تزعج الجار الرذيل
يعني الغرض سامي ونبيل
وتعيشك مرضان وهزيل
م الزفت والنيكوتين فيها
ويدخلوا على طول يا جميل
وفي الصدر تعمل بلاويها
اشي التهاب رئوي واصيل
وامراض تخاف من اساميها
ده كله غير صوت الشخاليل
قال المرض فيها لاخفيها
دي فزورتنا سهلة بسيطة
والحل على ايها حيطة
مرسومة اللي ما تتسمى
في دايرة حمرا بشريطة
بيضا وطويلة وجبارة
الحل ..سموها سجارة
معروفة اوي ..زفت ونيكوتين
مش عايزة فهم ولا شطارة
لو كان في راسك حبة عقل
مش بس م الاغراب غاوي نقل
والقلب من ربنا فيه خوف
وعنيك بصيرة وقادرة تشوف
هتشوف حياتك منهارة
ماهي اصلها....بيضا وطويلة وجبارة
بلد الخواجة يا بلدينا
تصنع سمومها وتدينا
يحمو ولادهم من ايدهم
وتضر ولادنا بايدينا
مضحوك علينا يا جماعة
لو بس هنفكر ساعة
مين اللي يقبض تمن الموت
دي لعبة ضخمة وخداعة
بتضر نفسك وعيالك
والمال في ايدك مش مالك
وتضرنا احنا كمان وياك
ما احنا اللي نهتم لحالك
اشي فحوصات ودوا وعلاج
م اليسر تتحول محتاج
ومين اللي هيشيلك يا خفيف
غيرنا؟؟ ومش قصدنا ازعاج
العمر واحد اينعم
ليه بس هتعيشه ف الم؟
ولا تعيش مبسوط وصحيح
..............................
لو يعني صممت على الحال
ابقى افتكر كلمة حكيمة
متقولش اصل محدش قال
كلمة عليها كدة القيمة
وابقى افتكر ولاد الحلال
لو اخرتك حاجة اليمة
بيضا وطويلة وجبارة
في الاصل سموها سجارة
لو بس عنكك حبة عقل
هتشوف حياتك منهارة
