يااااه ..اخيرا رجعت اكتب تانى بقالى كتير قوى مكتبتش حاجة على البلوج دة ..كنت مشغولة قوى اليومين اللى فاتو ولسه مشغولة بردو بس لقيت نفسى انشر فعلا بقية الحاجات اللى كنت كاتباها..حنشر حاجة كدة كنت كاتباها لبابا من كام سنة فى عيد ميلادة ولما وريتهالة قالى ..انتى عايزة فلوس ولا ايه
قلتلة ابدا والله يا بابا دى عشان عيد ميلادك
قالى وطبعا ضيعتى وقت وانا اللى فاكرك بتذاكرى
ساعتها حسيت انها مش حلوة
لكن من كام يوم كدة بابا شافها بالصدفة على الكومبيوتر وكانت عاجباة جدا وقالى دى كتبتيها امتى انا اول مرة اشوفها ..فكرتة بالموقف بس مفتكروش
انا بنشرها بس عشان عجبت بابا حتى لو معجبتش اى حد تانى ..هو عندى كفاية
ابى الحبيب .. احبك جدا
أبى الحبيب
هل تعلم أنى يا بابا بحبك جدا جدا جدا
هقولها لحد الصبح ما ييجى لحد الديك ما هيدن
أنا اعلم إن يا بابا إحنا في حيلك نازلين هدا
وانك ليل ونهار تعبان شقيان كادد كدا
وانك ساعي في رزقك بتجاهد فيه. في السعي إليه مادد مدا
وانك شايف من تعبك إن مفيش أبدا بدا
وأنا عارفة انك مننا عمرك ما ستنيت ردا
وأنا لو قضيت عمري بحالة مش هاقدر لأفضالك سدا
تقوم الصبح تصلى الفجر وترفع للسما يدا
وبعدها تيجى تصحينى ولمصلحتي تشدني شدا
ويوم القبض بتنقدى مصروفي بالميات عدا
اشى لدروسي ولكذا ولكيت مع انك للإسراف ندا
و ف راحتى يا بابا عمرك ما وقفتلى ضدا
وان عمري يا بابا حد في حبه هيكون ليك ادا
تقدر تختار من وشى طريق يا بابا لمداسك خدا
لأ خد الاتنين منى يا بابا حبا وكرامة وودا
هل تعلم أنى يا بابا بحبك جدا جدا جدا
وهقولها لحد الصبح ما ييجي لحدا لديك ما هيدن
هل تعلم أنى يا بابا بحبك جدا جدا جدا
هقولها لحد الصبح ما ييجى لحد الديك ما هيدن
أنا اعلم إن يا بابا إحنا في حيلك نازلين هدا
وانك ليل ونهار تعبان شقيان كادد كدا
وانك ساعي في رزقك بتجاهد فيه. في السعي إليه مادد مدا
وانك شايف من تعبك إن مفيش أبدا بدا
وأنا عارفة انك مننا عمرك ما ستنيت ردا
وأنا لو قضيت عمري بحالة مش هاقدر لأفضالك سدا
تقوم الصبح تصلى الفجر وترفع للسما يدا
وبعدها تيجى تصحينى ولمصلحتي تشدني شدا
ويوم القبض بتنقدى مصروفي بالميات عدا
اشى لدروسي ولكذا ولكيت مع انك للإسراف ندا
و ف راحتى يا بابا عمرك ما وقفتلى ضدا
وان عمري يا بابا حد في حبه هيكون ليك ادا
تقدر تختار من وشى طريق يا بابا لمداسك خدا
لأ خد الاتنين منى يا بابا حبا وكرامة وودا
هل تعلم أنى يا بابا بحبك جدا جدا جدا
وهقولها لحد الصبح ما ييجي لحدا لديك ما هيدن
No comments:
Post a Comment